ماسك الكابتشينو للمانيكيور والباديكيور من أو.بي.آي O.P.I Cappuccino Mask - Review

مساكم الله بالخير
ان شــــــاء الله تكونون بأَحسن حـــــــــآل 

 آنا الصراحة بردآنــه ... وكسلانة أتحرك من مكاني

بس بما أني سويت أظافري اليوم ، طرى على بالي أكتب عن قناع اليد اللي استخدمه ، من شركة أو.بي.آي 

 

 

 

 

 

 

 

 

 

بعد ما تقصين الأظافر ، وتبردينهم وتسنعينهم ،، تاخذين الماسك وتفردينه على يدينج وأصابعج
ونتركه مدة خمس دقايق ، بعدين آخذ فوطة مبلوله بماي حار وأمسحه عدل
هو راح يكون طبقة بيضاء ، تشبه الجبس شوي
اللي كسلانه تسوي هالحركه ، تقدر تغسله بماي دافي (مو حار علشان ما تتبخر كل الفايده)

 

ترى هو يصلج كقناع للرجل ، بس أنا ما فكرت أبداً احطه على رجلي
أحس خساره ~ بس أستعمله حق يدي

المكونات الرئيسيــه للقناع هي الكافيين وزبدة الشيا ... وريحته ريحة كوفي بالضبط ... 

 سعره : مرتفع نسبياً .. 11 دينار (110 درهم / ريـــــال) بس حجمه عود وتحتاجين كمية صغيره بس
يعني يتم فتره طويــــــــــــله معاي .. المفروض يعني الاستخدام ما يزيد على مره واحده في الأسبوع
أنا على حسب الانشغال , ساعات بس استخدمه مره واحده في الشهر

هل استفدت منه ؟
اي .. استفدت منه ولاحظت تغيير ، يوم اللي احطه تظل يدي لينه وملمسها أنعم
أكيد في ناس تبي تعرف هل هو مبيض لليد ، بما أنه هاجس لكثير من البنات
لأ ، هو مهب مبيض لليد ، لكن مع الاستخدام يصير تناسق في لون اليد بسبب زيادة الترطيب والنداوه في الجلد
خصوصاً لما تحطين كريم ترطيب بعد ما تستعملينه

 

 

شنو ما عجبني فيه ؟ مافي شي ما عجبني .. 

بس مجرد أنه يصير لونه أبيض وممكن يوصخ الاشياء اللي أمسكها
يعني لازم وقت اللي احط ماسك أقعد أحوس  ولازم تنظفون تحت الأظافر عدل لأن ممكن يدخل تحتها



مع تدوينه جمـــــــــــــــــــــــالية أخرى .. لنا لقـــــــــــــــآء