Tuesday 3 June 2014

Jo Malone Haul مشترياتي من جو مالون


عطره يذر العطر على البسآتين ،
ثقله يسولف عن نسب عن حموله ...
إنتي .. أظنك بالعطر تستحمين ،
وأجزم بأنك بالجمال امغسوله ...




العطر .. لــه معزة خآصة في نفوسنا جميعاً ،،، وخـــآصة النساء
وكان الرسول عليه الصلاة والسلام ، ينفق على العطور أكثر من إنفاقه على الطعام

حبيت اشارككم في عطرين ، شريتهم من محلات جو مالون
للي منكم ما يعرفه ، هو بوتيك بريطاني مختص فقط ببيع العطور ومشتقاتها من كريمات وصابون وشموع
يعني ماراح تلاقونهم مثلاً في دبنهامز ... لأ ، بس في محلهم
أفتتح مؤخراً فروع في دول الشـــرق الأوسط والخلــيج
بعد ما كان مقتصر فقط على بريطانيا و أوروبا وأمريكا ، وبعض دول الشَرق الأقصى
للأسف ما فتح في البحريـــــــن
بس أنا شريت منه آخر مره سآفرت دبي
صوره من البوتيك حطيتها لكم هني .. تقريباَ كل محلاتهم نفس الديكور والستايل علشان يكون لهم علامة تجارية تميّزهم


 

في وسط المحل ، في طاولة عليها عطورات التجربة كلها

وباقي العطور محطوطة على الأرفف (التجربة فقط على الطاولة)
كريماتهم بعد تهبل بس ما خذيت ، هذي قسم الكريمات والشاور جل




المعاملة كانت جداً رآقية من البائعين .. خلوني على كيفي وبالهم طويل 
 
 
ودلعو مشترياتي عدل ، غلفوها بأشرطة و داخل الأكياس حطو ورق و رشو فيه من نفس العطر اللي شريته


 


بطلع شوي بعيداً عن العطرين اللي خذيتهم ،،،

المحل على اسم هالإنسانة البشوشه ، جو مالون بشحمها ولحمها
عند البريطانيين ، أسم {جو} مشترك للرجل والمرأه




هي اللي بدت تصنع العطورات والزيوت ولما اشتهرت في بريطانيا

طلبت منها شركة ايستي لودر بيع محلاتها لهم ، وطوروها أكثر وفتحو فروع خارج بريطانيا
طيب شنو اللي شهر عطوراتها ؟؟ وليش خذت كل هذي الضجة ؟؟
ببساطة ، العطور جداً طبيعيه وماتفوح منها ريحة الكحول
ولا تسوي صداع ،، ولا تعور الراس .. العطر يشعل الحواس كلها ..
على الأقل في نظر الناس اللي اعجبو فيها ، ومنهم أنـــــــــــــــا

من أبرز زبائنها ، كيت ميدلتون {زوجـــــة ولي عهد بريطـــــــــانيا الأمير ويليام}
نرجع لمحورنا ، العطرين اللي شريتهم كالتالي :


Peony & Blush Suede
من العطور الزهريه ، ريحته حالمه جداً ومنعشة في نفس الوقت
شريت الحجم الصغير 30 مل ، لأني خفت أنصم فيهم عقب
لكن الحمد لله طلع العكس ، المره اليايه إن شاء الله إذا بشتري باخذ الحجم الكبير

 
 
 
 
 

Pomegranate Noir
هالعطر عجبني وايد لما شميته في المحل ،
 لكن لمن رجعنا البحرين واستعملته حسيته مو ستايلي ... لكنه جميل وراقي
ثقيل شويه يصلح للشتاء أكثر أو المناسبات المهمه أو الأفراح

ترى Pomagranate Noir يعني "الرمان الأسود"
ما ندمت إني خذته ، لأنه مميز وثباته قوي وبالعكس كذا وحده سألتني عنه
 
 
 
 
 

سعر العطر الواحد :
290 درهم إماراتي
يعني تقريباً 30 دينار
كل العطور اللي حجمها 30 مل بنفس السعر ، ثابت على أختلاف الأنواع


على فكرة تم طرح موضوع عن جو مالون من الجميلة ارتوس في منتدى شمواه
باختصار ، جو مالون غيرت ذوقي في العطور
برغم إني سمعت ناس وايد يقولون ما عجبهم وما يسوى ، فالواحد يختار اللي يعجبه ويناسبه .. بدون ضغط من أحد
ومو معناته أن الناس هابين فيه يعني لازم تشترونه ، لا ....
في بعض الأحيان ، التسويق التجاري والضغط الاجتماعي من الأصدقاء ، يجبر الواحد أنه يشتري أشياء ما يحبها ,,
لمجرد أنه ما يخجل يقول ( لا ما عندي منه) 
أنصحكم تجربون وتشوفون إذا على ذوقكم أو لا




Take Care My Friends

Bye

2 comments:

  1. نقدم لكم شركة الصفا والمروه المتخصصة بجميع الخدمات المنزلية بالمنطقة الشرقية بالمملكة العربية السعودية والتي تقدمها باعلي جودة ممكنة وارخص الاسعار
    شركة تنظيف بالدمام
    شركة تنظيف بالخبر
    شركة تنظيف بالاحساء
    شركة تنظيف منازل بالجبيل
    شركة تنظيف فلل بالدمام
    شركة تنظيف شقق بالدمام
    شركة نقل عفش بالدمام
    شركة نقل عفش بالقطيف
    شركة نقل اثاث بالخبر
    شركة مكافحة حشرات بالدمام
    شركة رش مبيدات بالدمام
    شركة تنظيف منازل بالدمام
    شركة تنظيف مجالس بالدمام
    شركة تنظيف خزانات بالدمام
    شركة تنظيف خزانات بالخبر
    شركة تنظيف خزانات بالقطيف
    شركة تنظيف بالقطيف
    شركة تسليك مجاري بالدمام
    شركة تسليك مجاري بالخبر
    شركة تسليك مجاري بالجبيل
    شركة تسليك مجاري بالاحساء
    شركة تسليك مجاري بالقطيف
    شركة تسليك مجاري بالرياض
    شركة تسليك مجاري بجدة
    شركة تسليك مجاري بتبوك
    شركة تسليك مجاري بالباحة
    شركة تسليك مجاري ببقيق
    شركة تسليك مجاري بالطائف
    شركة تسليك مجاري بالخفجي
    شركة تسليك مجاري بعنك-سيهات
    شركة تسليك مجاري بالنعيرية

    ReplyDelete