Johnson's Vita – Rich Body Wash

Hi يا بنات





بما أن الصيف هل علينا ، والواحد مفرفش ومتنعنش

واستهلاكنا لمستحضرات الحمام والدوش راح يرجع طبيعي

ما عدنا نعاني من صعوبة في أخذ دوش معتبر مثل قبل ..
من البرد كل شي على السريع ، وأبي بسرعة البس ملابسي وانط في السرير
أتوقع كلكم نفس الشي ، صح

طحت بالصدفة على شاور جلز من جونسون / المجموعة اليديده









رغم إني ما أحب الشاور جلز اللي موجودين في السوبرماركت مثل جونسون والقروب التابع له ..

هالمرة لفت نظري .. شفته في السوبر ماركت ، بما أني أحب أعسعس وأتفحص
قمت أطالعه ، اقول انا اول مره اشوفه
لا يكون لهالدرجة ما اعرف أغراض جونسون ، ينعدون على الأصابع ..
الشاور جل الوردي الشفاف واللي بالقمح والعاديين البقايا ، يعني أشكالهم مألوفة بالنسبة لي
إلا اشوف هالمجموعة الجديده ...



قريت المكتوب عليهم VITA – RICH يعني هالأسم رمز للترطيب الكثيف وأن المنتج غني وكثيف
طلع أن المجموعة يديدة توها نازلة
على طول فتحت علبة منهم من فوق وشميت الريحة جذبتني
لا الصراحه ، أول مره يسوون شي عدل




وتخيلو سعهره !! 900 فلس (الحجم الصغير) يعني 9 ريـال

شميت اللي بالرمان والتوت عجبوني

أحلى من الشاور جلز اللي من باث أند بودي ووركس
وبعدين بالنسبة للاستغلال والزيادة الغير مبرره في الأسعار ؟
شنو يعني بس عشان ساكتين عنكم تزيدون على كيفكم


من أول ما فتح المحل في الخليج والاسعار كانت already ازيد من أمريكا
قلنا ما عليه علشان تكاليف الشحن وفرق العمله و إلخ

شلون سعر الشاور جل ينط من 2.5 دينار إلى 4 !!
والكريم 6 ؟؟ أما البودي سبلاش 7 !! (بس ضيفو صفر للريال والدرهم)


ما فهمت الصراحه
المهم إني كنسلت عليهم ..
ما أقول إني ما أدخل عندهم كل مره أروح أي مجمع 

 لكن معدل شرائي منهم انخفض بصورة كبيره
أروح اشتري لي شاور جل ديور أحسن


وعاد الشاور جل المعني في الموضوع الآن ، في منه 4 أنواع

شريت منهم 2 بس .. كالتالي :

1- مع خلاصة زهر الرمان وفيه خاصية Brightening يعني إعطاء النظارة والإشراق للبشرة ( مش التفتيح )













2- مع خلاصة التوت وهذا فيه خاصية Repleneshing يعني التجديد / الحيوية













الباقي اثنين من المجموعة اثنين .. واحد بالورد ما عجبتني ريحته ذاك الزود
و اعتقد الثاني بالبابايا أو بالمانجو ، كان حلو بس عادي
ما أذكر شنو بالضبط كانت خواصهم / ميزاتهم
الاثنين اللي شريتهم شدوني اكثر


ملاحظه مهمه ، في ناس يتحسسون أو ما يحبون الشاور جل اللي فيهم لون ~ تراهم ملونين

وسوينا تجارب علشان يكون قدامكم عرض حي





هذا الرمان







هذا التوت

ريحة التوت قوية والرمان بعد ، يعني تحسين نفسية معتبر ،

الرمان منعش وسعيد .. التوت يقلب على علك شوي ، حبيييتهم



استعدو لموسم صيفي قوي !! خلاص ما في نوم وبطانيات ..
نقدر ناخذ أحلى شاور متوصي على راحتنا
وناخذ راحتنا في تدهن الكريمات و الشغلات الجميلة كلها



وخـــمـــيســكم فـــلَـــه 
مادري ليش احب هالجملة

ومع تدوينة جمالية أخرى لنا لقاء ...